Sharad Poudel, Sarad Poudel
 

कमरेड !
निकै फिका देखिएका छाै
रातो कता हरायो ?
तिमीले सपनामा देख्दैछु भनेको
समानताको त्यो विपना कता हरायो ?

कहाँ चुक्याै कमरेड ?
श्रमजीवीसँगको अङ्गालो तोडेर चुक्याै ?
वा दलित महिलाहरूसँगको हातेमालो छाडेर चुक्याै ?
हजार रोल्पाको रगत बिर्सेर चुक्याै
वा हजार साेलुको सहादत बिर्सेर चुक्याै ?
कहाँ चुक्याै कमरेड ?
कसरी निमाेठ्न सक्याै
हिजका सपनाहरू ?
जो हजाराैँ सहिदहरूको रगतले लेखियो
जो हजाराैं बेपत्ताहरूको बलिदानले काेरियो ।

भन कमरेड कहाँ चुक्याै ?
जसको विरूद्ध हिजो हुँकार उठ्यो
देख्छु,
तिम्राे अँगालोमा छन् आज तिनै
निक्खरा सामन्ती हुँडारहरू
श्रम लुटेरा पुँजीपतिहरू
तस्कर र डनहरू
विदेशी गुप्तचरहरू, दलालहरू
भन कमरेड कहाँ चुक्याै ?

हाे कमरेड !
फिका फिका देखिएका छाै
त्याे ज्वाजल्य रातो कता हरायो ?
तिमीले सपनामा देख्दैछु भनेको
समानताको त्यो बिपना कता हरायो ?

यो पनि पढ्नुहोस्ः  संवाेधन लेनिनका नाऊँमा – क. शरद पाैडेल

यो पनि पढ्नुहोेस्ः   मेरा मित्र – क. सुशान्त पाैडेल

२०७५ बैशाख १३, काठमाडाैँ ।