केशव नेपाल 'विजयकुमार', Keshab Nepal 'Bijaya Kumar'
 

आयो महासंकट
कोरोना भाइरस बनेर
यो धर्तीमा
मानवजातिको महाकाल बनेर
एउटा ठाँउमा होइन
एउटा गाउँमा होइन
एउटा बस्तीमा होइन
एउटा सहरमा होइन
एउटा देशमा होइन
यो त धर्तीभरि नै आयो
न बालबालिकालाई छोड्छ
न युवा-युवतीलाई छोड्छ
न वृद्ध-वृद्धालाई छोड्छ
धर्तीका कसैलाई छोडेन
कोरोना भाइरसले
न अमेरिकालाई छोड्यो
न चीनलाई छोड्यो
त्यसैले,
अब सबै मिलेर
आफ्ना दम्भ रअहंकार
आफ्ना शक्ति र घमण्ड
त्याग्दै
धर्तीका सारा मानवजातिलाई
महासंकटबाट जोगाऊँ ।

(रचनाकार नेकपाका नेता हुनुहुन्छ – सम्पादक।)