काठमाडौं, नेकपाका युवा नेता तथा ५ नं.नम्बर प्रदेशसभा सदस्य उत्तरकुमार ओलीको शुक्रवार बिहान निधन भएको छ ।
गत माघ २४ गते सवारी दुर्घटनामा परि घाइते भएका सांसद ओलीको उपचारका क्रममा काठमाडौको मेडिसिटी अस्पतालमा निधन भएको हो ।
सांसद ओली सवार गाडी गत माघ २४ गते दाङको मुसोट खोला नजिकै दुर्घटनामा परेको थियो । सांसद ओलीको दुर्घटना भएको १६ दिनसम्म कोमामै रहेका बेला शुक्रबार बिहान ३ बजे मृत्यु भएको हो ।
नेकपा केन्द्रीय कार्यालय धुुम्बाराहीमा श्रद्धाञ्जलीपछि उहाँको अन्तिम दाह संस्कार गरिने बताइएको छ । उहाँका श्रीमति र दुई छोरा हुनुहुन्छ ।
