काठमाडाैं, समाजवादी पार्टीका अध्यक्ष तथा उपप्रधानमन्त्री उपेन्द्र यादवलाई एभिन्युज टेलिभिजनका पत्रकारले पत्रकार आचार संहिता विपरित प्रश्न सोधिएको समाजवादी पार्टीले जनाएको छ ।
आइतबार राति ९ बजे एभिन्यूज टेलिभिजनबाट प्रत्यक्ष प्रसारण भइरहेको अन्तवार्ताको क्रममा पत्रकारबाट अभद्र र पूर्वाग्रही तरिकाले प्रश्न सोधिएको भन्दै समाजवादी पार्टीले उक्त घटनाको घोर निन्दा गरेको छ ।
पत्रकारिता जगतको नै मानमर्दन हुने गरी अपमानजनक एवं बदनियतपूर्ण ढंगले यादवमाथि भएको यस्तो दुर्व्यावहारकाे घोर निन्दा एवं भर्त्सना गर्नुपर्ने पार्टीका केन्द्रीय कार्यालय उपमहासचिव प्रकाश अधिकारीद्वारा जारी विज्ञप्तिमा उल्लेख छ । पार्टीले याे दुःखद घटनालाई लिएर कार्यकर्ताहरुलाई उत्तेजित नहुन निर्देशन समेत दिएको छ ।
विज्ञप्तिमा भनिएको छ – ‘आइतवार राति एभिन्युज टेलिभिजनको कार्यालयमा भएको दु:खद घटनालाई लिएर उत्तेजित नहुन र अवाञ्छित गतिविधि नगरी संयमित रहन पार्टी पंक्ति एंव आम कार्यकर्तालाई निर्देश गर्दछौं ।’
त्यसैगरी, समाजवादी युवा नेपालले समेत टेलिभिजनको स्टुडियोभित्र गरिएको सञ्चार आचारसंहिता विपरित, अमर्यादित र क्षुद्र व्यवहारप्रति गम्भीर ध्यानकषर्ण भएको जनाएको छ ।
युवा नेपालका सह–इन्चार्ज फिरोज मसुंरद्वारा जारी विज्ञप्तिमा उल्लेख छ – ‘सम्बन्धित सञ्चार संस्था, प्रेस काउन्सिल नेपाल र पत्रकार महासंघ नेपालसँग यस्ता व्यवहार गर्ने पत्रकारलाई अनुशासनको कारबाहीको लागि माग गर्दछ ।’
अन्तर्वार्तामा उपप्रधानमन्त्री यादव र अन्तर्वार्ता प्रस्तोताबीच सामान्य भनाभन भएपछि यादव बीचमै माइक निकालेर कार्यक्रमबाट बाहिर निस्किनुभएकाे थियाे । सामाजिक सञ्जालमा उक्त भिडिओ भाइरल भइरहेको छ । भिडियो भाइरल भएपछि सोमबार नै एभिन्युज टेलिभिजनको वीरगञ्जस्थित कार्यालयमा सोमबार दिउँसो तोडफोड समेत भएको थियाे ।
प्रेस काउन्सिल नेपालले एभिन्युजसँग माग्याे स्पष्टीकरण
यसैबिच प्रेस काउन्सिल नेपालले समाजवादी पार्टी नेपालका अध्यक्ष एवं उपप्रधान तथा स्वास्थ्यमन्त्री यादवसँग लिइएको अन्तर्वार्ताका क्रममा प्रयोग गरिएका भाषाशैली र शब्द चयनका विषयलाई लिएर एभिन्युज टेलिभिजनसँग स्पष्टीकरण सोधेकोे छ ।
उपप्रधानमन्त्री यादवसँग लिइएको अन्तर्वार्ताका क्रममा अन्तर्वार्ताकारले पत्रकार आचारसंहिताको ख्याल नगरेको र शिष्टतालाई ध्यान नदिइएको ठहर गर्दै उक्त काउिन्सलले टेलिभिजनसँग स्पष्टीकरण सोधेको हो ।
एभिन्युज टेलिभिजनलाई तीन दिनभित्र जवाफ दिन निर्देशन दिइएको काउन्सिलका सहप्रशासकीय अधिकृत दीपक खनालले जानकारी दिनुभयाे ।
सामाजिक सञ्जालमा गाली र तालीकाे बर्षात
यसैबिच कार्यक्रम प्रस्ताेता सुशिल पाण्डेलाइ सामाजिक सञ्जालमा ट्राेल बनाइएकाे छ । उहाँलाइ गालि र तालीकाे बर्षात भइराखेकाे छ । सामाजिक सञ्जालमा पाण्डेकाे प्रस्तुती लाइ लिएर गरमागरम बहश भइराखेकाे छ ।
हेर्नुहाेस केही उदाहरणहरु
