नेपाल कम्युनिष्ट पार्टी (नेकपा) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले माघे संक्रान्तिको शुभकामना व्यक्त गर्नुभएको छ ।
आज थारु, मगर लगायत आम नेपालीहरुले मनाउने चाड माघे संक्रान्ति (मकर संक्रान्ति) को अवसरमा एक शुभकामना सन्देश मार्फत स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा सुख, शान्ति र समृद्धिको हार्दिक शुभकामना व्यक्त गर्दै उहाँले, “यस पर्वले सम्पूर्ण नेपालीहरूको बीचमा राष्ट्रिय एकता र सद्भाव अभिवृद्धि गर्ने अपेक्षा गर्दै सबै नेपालीलाई मुलूकको समृद्धि, विकास र निर्माणमा एकतावद्ध हुन प्रेरणा मिलोस् भन्ने कामना गर्दछु”, भन्नुभएको छ ।
